Porturako sarbideaTransmodal 2022ren edizioa martxoaren 17an egingo da, garraioetako eta logistika intermodaleko aditu garrantzitsuen parte-hartzearekin
Arabako Merkataritza, Industria eta Zerbitzuen Ganberak eta Bilboko Portuko Agintaritzak, Eusko Jaurlaritzaren eta Arabako Foru Aldundiaren laguntzarekin, martxoaren 17an (osteguna) eta formatu presentzialean, TRANSMODAL 2022 – Logistika Intermodalaren XIV. Foroa egingo dute. Gaur egungo hornidura-krisia eta logistikan duen eragina izango dira jardunaldiko programaren ardatz nagusiak.
TRANSMODAL Euskadiko logistika-sektorearen erreferentzia da. Aurreko hamahiru edizioetan, 115 adituk partekatu dute bere esperientzia eta ezagutza, eta sektoreko 1.200 profesionalek baino gehiagok hartu dute parte.
Arabako Ganbera, logistika lurraldeko enpresa guztien lehiakortasunerako funtsezko alderdia den uste osoz, oso inplikatuta dago sektorean, eta, VIAL programaren bidez, Arabako Foru Aldundiarekin lankidetzan, Arabako logistikatik oso gertu lan egiten du, bere errealitatea ezagutzeko eta Araba lehen mailako hub logistiko bihurtzen duten puntuak sustatzen laguntzeko, baita hobetzeko alderdiak bilatzeko eta garatzeko ere.
TRANSMODALekin, Ganberak eta Bilboko Portuak erreferentziazko foro bat sortu dute logistika-sektorearekin zerikusia duten eskualdeko eta estatuko enpresen artean. Foro hori, halaber, Bilboko Portuaren eta inguruko zama-enpresen arteko topagunea da. Bilboko Portuak Araban duen apustu intermodala Jundizen eta Arasurren egiten dituen jarduketetan islatzen da. Izan ere, instalazio horien eragin-eremuko salgaiak taldekatzeko eta, ondoren, programatutako trenetan bidaltzeko aukera ematen duten trenbide-terminalak ditu.
Edizio berri hau, bi urtez on line egin ondoren aurten aurrez aurre izango dena, Arabako Ganberaren egoitzan egingo da berriro. Bertan parte hartuko dute Gregorio Rojo Arabako Merkataritza, Industria eta Zerbitzuen Ganberako Presidenteak, Ricardo Barkala Bilboko Portuko Agintaritzako Presidenteak eta Ramiro González Arabako Diputatu Nagusiak.
Besteak hizlarien artean bertan hitz egingo dute Bilboko Portuko Agintaritzako Eragiketa, Merkataritza, Logistika eta Estrategiako Zuzendariak, Andima Ormaetxe; DB Schenker-eko Head of Air and Ocean eta Foro MAD Cargo-ko Presidenteak, Jesús Cuéllarek; EVE Energiaren Euskal Erakundeko Zuzendari Nagusiak, Iñigo Ansolak; Omron Electronics Iberiako Country General Managerek, José Antonio Cabellok; Vasco Shipping-eko – Cosco Shipping Lines-eko agentea – General Managerak, Mikel Urrutiak; Transfennica Logisticseko Country Managerak, Axel Dewaleneyk; UPS-ko Iberia Managing Zuzendariak, Elizabeth Rodríguezek; Duvenbeck-eko Negozio Garapeneko Zuzendariak, Gorka Salasek; eta ekitaldi honen babeslea den Gazteizko AON-eko zuzendariak, Iñigo Area de Aranak.
