Porturako sarbideaAurten ere, BECeko Umeen Gabonetako Parkera itzuliko da Bilboko Portua, gazteenei itsas ingurunea zaintzeko eta ekosistema babesteko egiten duen lana erakusteko. 2024ko urtarrilaren 7ra arte, etxeko txikienek jakingo dute Portuko Agintaritzak zer lan egiten duen jasangarritasunaren arloan, adin guztietarako jokoak eta jarduerak eginez.
Aurtengo nobedadeen artean, etxeko txikienek elkarrekin lan egiten ikas dezaten diseinatutako ihes-joko dibertigarria nabarmentzen da. Jarduera egiten den bitartean, parte-hartzaileek hainbat enigma argitu behar dituzte taldean, itzaltze teknologikoa eragin eta gailu elektroniko guztiak ezabatu nahi dituen AI baten mehatxutik libratzeko gizateria.
Portuko Agintaritzaren standean, halaber, arrantza-sareen zirkuitu bat dago, aireko 8 jokorekin, auto-makillajerako gunea eta pantaila erraldoi bat, zeinean Bilboko Portuaren jarduera guztia ezagutzera emango den. Ozeanoak zaintzeari buruz eta itsasoa, flora eta fauna babesteko portuan egiten diren ekintzei buruz sentsibilizatzeko bideoak ere proiektatuko dira.
Portua ezagutzea
Bilboko Portua historian izan duen garrantzia, egungo errealitatea eta portu iraunkor, arduratsu eta lehiakor bat izateko dituen erronkak hobeto ezagutzeko beste modu atsegin bat Itsasmuseum-eko Port Center-era joatea da. Familia guztiarentzako gune honetan, portuaren funtzionamendua erakusteko baliabide interaktiboak ditu.
Eta Santurtziko eta Zierbenako portu-instalazioak zuzenean ikusi nahi dituztenek Ezagutu Portua programan izena eman dezakete. Programa horrek doako bisita gidatuak eskaintzen ditu ikasturte osoan.
