UniportBilbaok eta Bilboko Portuko Agintaritzak Bilboko Portuko zerbitzuak eta azpiegiturak sustatu dituzte ENOCen, Zaragozako Zereal Operadoreen Topaketa Nazionalean, Espainiako Zereal eta Oleaginosetako Merkataritza Elkarteak (ACCOE) antolatuta. Horiekin batera, portu-komunitateko hainbat enpresak parte hartu dute, hala nola: Erhardt Logistics, SGS Española de Control, Servicios Logísticos Portuarios- SLP eta Consignaciones Toro y Betolaza.
Bilboko portuko instalazioetatik, 2023an, 1,4 milioi tona baino gehiago mugitu ziren nekazaritzako, abeltzaintzako eta elikagaigintzako solteko produktuetan, % 24ko hazkundea izan zuelarik urte horretan Estatuko uzta txikiagoa izanagatik.
Bilbok terminal eta instalazio espezializatuak eta kanpo-merkataritzarekin lotutako era guztietako zerbitzuak eskaintzen ditu, hala nola aduana-bulegoa, pleitamendua, kargen ziurtagiria edo kontrol sanitario eta fitosanitarioa. Era berean, itsas konektibitate bikaina du, mundu osoko 850 portuetara hurbiltzen duena, eta errepide eta trenbide bidezko sarbide arinak ere baditu.
![Bilboko portuko ordezkariek Bilboko portuko ordezkariek](https://www.bilbaoport.eus/wp-content/uploads/2024/02/foto-ENOC.jpg)
ENOCen zerealen sektoreko 500 profesional inguru biltzen dira merkatuaren joerak aztertzeko. Brokerren, operadoreen, enpresen eta zerealen, olio-aleen eta hauen deribatuen nazioarteko merkataritzan diharduten profesionalen arteko merkataritza- eta negozio-harremanak sustatzen ditu.