Bilboko Portuak 700 milioi inguruko inbertsioak hartzen ditu, gehienak jasangarritasunarekin lotutako proiektuetara bideratutakoak

• Bilbao hub logistikoa, industriala eta energetikoa da, Euskadirentzat funtsezkoak diren proiektu estrategikoekin, eta aukera paregabea du Europar Batasunak bermatzen duen Hidrogenoaren korridorearekin.

• Hartzen duen inbertsioaren % 78 pribatua da eta erregai eta agregakin sintetikoko lantegietara, hidrogeno berriztagarrietara, mota guztietako birziklatzera, bioerregaietara eta osagai eolikoetara bideratuko da.

• Ekonomia zirkularra Portuko Agintaritzaren zein enpresa pribatuaren inbertsioen zati handi baten ingurukoa da.

• Administrazio Kontseiluak Kai-Mutur Nagusiaren bigarren faseko lanak esleitu ditu 55,14 milioiren truke.

• Atlantikoko portu nagusiak salgaien eta energiaren jatorri portua izateko aukera handiak ditu eta, modu paraleloan, Euskadi Europako erreferente bihurtzeko bultzatzen duen berrikuntzan hazkunde jasangarri baterako oinarriak jartzen ditu.

• Bilboko Portuko Agintaritzaren ibilbide-orria da Green Port lehiakor bihurtzea, eta, aldi berean, merkatu eta trafiko berriak erakartzea, % 10 hazi baitira ekainera arte.

Santurtzin, 2024ko uztailak 30. Bilboko Portua hub logistiko bat da, munduko edozein lekutara doan edozein trafikori erantzuteko, aholkatzeko eta ontziratzeko/lehorreratzeko terminalak, biltegiak, zerbitzuak eta profesionalak dituena; hub industrial bat, fabrikatzen edo eraldatzen dituzten lantegi eta piezak muntatzeko eta mundu osora esportatzeko erabiltzen dituzten terminalak hartzen dituena; eta hub energetiko bat, non era guztietako energia sortzen duen industria-eremu bat sortu den, haiekin batera energia-transformazioa gidatuz eta proiektu berriztagarriak bultzatuz.

Hiru zutabe horietatik – logistikoa, industriala eta energetikoa -, Bilboko Portuko Agintaritzak eta portu-komunitateko enpresek hazkunde-jarraibide jasangarriak ezarri dituzte, eta Euskadiko hazkunde ekonomikoari laguntzen dioten proiektuak egiten dituzte, bai eta eskualde berritzaile, puntako eta iraunkor bihurtzen laguntzen dutenak ere. Gure enpresak nazioarteratzeko funtsezkoa den zereginarekin batera, ekonomia berri batean sartzeko motor gisa dihardu, non, azkarrak, malguak eta lehiakorrak izateaz gain, jasangarriak izan behar dugun merkatu global batean murgiltzeko.

Une honetan, Bilboko Portuan 700 milioi inguruko inbertsioa eskatzen duten proiektuak gauzatzen ari dira edo onartzeko bidean daude. Inbertsio horren % 78 pribatua da eta erregai planta eta agregakin sintetikoetarako, hidrogeno berriztagarrietarako, mota guztietako birziklapenerako, bioerregaietarako eta osagai eolikoetarako erabiliko da. Ekonomia zirkularra, halaber, Portu Agintaritzaren beraren eta enpresa pribatuaren inbertsioen zati handi baten ingurukoa da.