Bilboko Gordailu Zabalak 8.700 metro koadroko biltegi bat eraikiko du

Portuko Agintaritzaren Administrazio Kontseiluak erabaki du 8.710 metro koadroko eremu bat lagatzea Bilboko Gordailu zabalari, biltegi berri bat eraiki dezan Santurtziko Viktoria Erreginaren kaiko hirugarren lerrokaduran.

Hamar biltegi balioaniztun ditu erakunde horrek Bilboko Portuaren kaian bertan; guztira, 27.200 metro koadro.

2011n, 210.455 tona merkantzia sartu ziren instalazio horietan, eta 189.373 tona atera ziren. Merkantzien % 61 solteko salgai solidoak izan ziren; % 20, merkantzia orokorra; eta gainerako % 19a, solteko salgai likidoak. Merkantzia nagusiei dagokienez, burdin lingotea izan zen lehena sarreren zerrendan. Hazkunde handia izan zuen: % 41ekoa. Bigarrena, berriz, burdinazkoak ez diren metalak izan ziren, eta haiek ere hazkunde handia izan zuten: % 56koa.

EBtik kanpoko Europako herrialdeetako merkantziak sarrera guztien % 54 izan ziren; ondoren, EBko, Afrikako eta Ameriketako merkantziak.

Maiatzean, Zerga Agentziak babes eta