Porturako sarbideaBilboko Portuan 4.243 tren sartu edo atera ziren, aurreko ekitaldian baino % 2,6 gutxiago, batez ere, edukiontzien trafikoa jaitsi egin baitzen. Hala ere, edukiontzien % 27 trenbidez sartzen edo irteten da.
2022an, aurrerapen handiak egin dira portuko trenbide-trafikoaren kudeaketan. Alde batetik, Portuko Agintaritzak bere eskumenak erabiltzen ditu portuko trenbide-trafikoari kudeatzeari dagokionez, eta bere gain hartzen ditu Adif-ek lehen egiten zituen maniobrak, asteko 7 egunetan 24 orduz zerbitzu unibertsala, neutroa eta lehiakorra izateko xedearekin. Portuko Agintaritzarentzat mugarria izango da Adif-ekin kudeaketa-akordio bat lortzea. Akordio horren bidez, BPAk bere gain hartuko du trenbide-edukiontzien terminala ustiatzea eta, horri esker, portuko azpiegituran integratzen aurrera egin ahal izango du eta portuaren intermodalitatea are gehiago garatu ahal izango du.
Era berean, joan den urtearen amaieran, Portuko Agintaritzak Trenbide Segurtasuna Kudeatzeko Sistema onartu du. Sistema hori ezartzeko fasean dago, eta tren-jarduerak zerbitzu-eremuaren barruan sortutako arriskuak kontrolatzeko tresna da.
Aldi berean, abenduan esleitu dira Urduñako geltokian 750 metroko bazterbide berria eraikitzeko lehen lanak. Kostu osoa 10,87 milioi eurokoa da, eta, alde batetik, Bilboko LMAk finantzatuko du, 3 milioi ingururekin,
Portuko Lehorreko Irisgarritasunerako Finantza Funtsaren kontura, eta, bestetik, ADIFek. Bilboko Portuaren eta Mesetaren artean merkantziak garraiatzen dituzten konboien funtzionamendua bizkortzea eta hobetzea ahalbidetuko dute lan horiek, eta, aldi berean, bidaiariak garraiatzen dituzten trenek ere onurak jasoko dituzte.
Hobekuntza horiek garrantzitsuak dira, eta intermodalitatea bultzatzeko aurrerapenak dira, baina Portuko Agintaritzak uste du beharrezkoa dela, batez ere, merkantzien hegoaldeko saihesbidea lehenbailehen eraikitzea.
