Porturako sarbideaAurten bertan hasiko dira Arabako Arasur plataforma logistikoan Bilboko portuaren instalazioak egiteko lanak, Eusko Jaurlaritzako Ana Oregik, Arabako Foru Aldundiko José Zuritak eta Bilboko Portu Agintaritzako Asier Atutxak sinatutako hitzarmenari esker.
instalaciones de ARASUR
Bilboko Portu Agintaritzak guztira zortzi milioi eta hirurehun mila euro kostatuko diren obrak kontratatuko eta izapidetuko ditu, hitzarmenean aurreikusitakoaren arabera. Eusko Jaurlaritzak ia ehuneko 36ko ekarpena egingo du (hiru milioi euro), eta Bilboko Portu Agintaritzak ere beste horrenbeste; gainontzeko 2,3 milioi euroak Arabako Foru Aldundiak jarriko ditu.
Plataforman egingo diren lanek, hasiera batean, 35.000 metro koadro hartuko dituzte Irun-Madril trenbidearen alboan. Horri esker, Arasur plataforma logistikoa eraginkorragoa eta handiagoa izango da, industrialdearekin trenbidez lotuta egongo den salgaien tren-bazterbidea eraikiko denez. Era berean, dagokion trenbide-hondartza eratuko da, Bilboko Portuan salerosten diren salgaien eta horien tamainen arabera. Ondoren, inguruak urbanizatzeko beharrezkoak diren lurrak erosiko dira. Hala, 69.000 metro koadroko azalera izango du aurreikusitakoaren arabera.
