Bilbo eta Erresuma Batuaren arteko bi ibilbide, garraioa deskarbonizatzeko itsas korridore berde gisa identifikatuak

Global Maritime Forumek Britainia Handiko Madrilgo enbaxadarekin lankidetzan egindako “Espainia barruko eta kanpoko itsas korridore berdeak: ibilbideetan oinarritutako aukeren ebaluazioa” txostenak nabarmendu du Bilboko Portuaren kokapen estrategikoa eta jasangarritasunarekiko konpromisoa, nabigazio ekologikoko ibilbideak garatzeko eta, hala, itsasoko garraioa deskarbonizatzeko helburuari laguntzeko.

Zehazki, txostenak agerian uzten du Bilboko Portuaren eta Erresuma Batuaren arteko konektibitate bikaina, eta Bilbo eta Liverpool arteko edukiontzien trafikorako eta Erresuma Batuko portuekiko ro-ro trafikorako Distantzia Laburreko Itsas Garraioko bideek duten ahalmena azpimarratzen du, arrazoizko epean eta betiere bideragarritasuna kontuan hartuta, garraioaren deskarbonizazio nabarmena lortzen lagunduko duten itsas korridore berdeak garatzeko giltzarri baitira.

“Itsas korridore berdeak eta digitalak garatzea lehentasunezkoa da Bilboko Portuarentzat, eta portuko jasangarritasun-ekimenen zorro gero eta handiagoari egokitzen zaio. Txostenean aurkezten diren ibilbideen deskarbonizazioak eragin handia izango du garraiatzen diren salgaien eta bidaiarien bolumenagatik eta errepidetik itsasora pasatzeko dagoen potentzial handiagatik. Hori dela eta, Horregatik, itsasbide horiek deskarbonizatzeko bideragarritasunean sinesten dugu”, esan du Andima Ormaetxek, Bilboko Portuko Agintaritzako Operazio, Merkataritza eta Logistika zuzendariak.

Bilbo eta Erresuma Batuaren arteko bi ibilbide horiez gain, azterketak beste sei ibilbide nabarmentzen ditu, Espainia barruan eta kanpo, etorkizun handieneko korridore berdeak bilakatzeko; Erresuma Batua,