Porturako sarbideaBilbao PortLab-ek Ports 4.0 funtsera aurkezteko interesa agertu duten 40 proiektu inguru identifikatu ditu orain arte. Lehenengo deialdia, 12 milioi eurokoa, uztailaren amaieran argitaratu da.
Bilboko Portuko Agintaritzak Bilbao PortLab proiektuaren aldeko apustua berretsi du, eta dagoeneko Bilboko Portuari lotutako 4.0 Portuak Funtsaren uztailaren 27an argitaratu den lehen deialdian aurkezteko interesa duten 40 proiektu identifikatu ditu.
Halaber, Bilbao PortLab-en koordinatzailea hautatzeko prozesua osatu du, sektorean esperientzia handia duena, proposamenak zentralizatzeko eta portuko enpresen, start-upen, administrazioen eta unibertsitateen beharrak elkartzeko. Aldi berean, berrikuntzaren euskal ekosistemako bi eragile berri sartu ditu batzorde betearazlean, eta proiektuaren eskura jarri ditu berrikuntzan, ingurumenean, eragiketetan, segurtasunean, energia-eraginkortasunean, giza baliabideetan eta administrazioan eta finantzetan adituak diren BPAko langileak.
Bilbao PortLab-ek Portuko enpresen arteko berrikuntza-erronkak eta bestelako erronkak identifikatu nahi ditu, eta start-upen, ekintzaileen eta enpresen eskura benetako proba-ingurune bat (living lab) jarri nahi du, prototipoak probatu eta garatzeko, Portuko enpresekin harremanetan jartzeko, eta proiektuak garatzeko eta ekintzaileei laguntzeko espazio bat eskaintzeko, dagozkien Lan Plan indibidualizatuak eginez.
Ekimen hau Portua berrikuntzan eta digitalizazioan erreferente bihurtzeko Portuko Agintaritzaren Plan Estrategikoaren helburuetan sartzen da. Informazio gehiago: portlab@bilbaoport.eus
4.0 Portuak Funtsa.
4.0 Portuak Funtsaren lehen deialdia 12 milioi eurokoa izan da guztira. Aurrekontu hau 28 Portuko Agintaritzek – Bilbokoa barne – eman dute bere cash flowaren % 1eko ekarpena eginez. 4.0 Portuak Funtsaren kudeatzailea Estatuko Portuak da.
Espainiako portu-sistemak lehenengo aldiz ekin dio kate logistikoan jada ezarrita dauden metodo eta prozedurei buruzko asmo handiko proiektu berritzaileari.
Lehen aldia da Espainiako portu-sistemak logistika-katean jada ezarrita dauden metodo eta prozedurei dagokienez hain proiektu asmo handiko eta berritzaile bati ekiten diola.
Ideietan, laguntza 15.000 euroko kopuru finko eta aldaezina izango da, eta ideia inkubatzeko edo enpresa-hazkundea errazteko aholkularitza emateko zerbitzuetara sartzeko aukera egongo da. Zerbitzu horiek ‘Portuak 4.0’ portu-sektorean Berrikuntza Sustatzeko Planari lotutako eta beste portuen artean Bilbon ere kokatzen diren inkubagailu-azeleragailuaren lurralde-egoitzetan ezarrita daude.
Proiektuetan, merkaturatu aurreko fasean, proiektuaren aurrekontuan berrikuntza-osagaiari lotutako kostuen % 60 izango da laguntza gehienez ere, milioi bat euroko mugarekin, eta enpresa-hazkundea bizkortzeko eta proiektuaren arrakasta ziurtatzeko inkubazio- eta azelerazio-zerbitzuak edo aholkularitza-zerbitzuak eskuratzeko aukera izango da. Ez dira aintzat hartuko 50.000 eurotik beherako laguntzak ematea dakarten proiektuak.
Merkaturatze fasean dauden proiektuetan, laguntza, gehienez ere, proiektuaren aurrekontuan berrikuntza-osagaiari lotutako kostuen % 80 izango da, 2 milioi euroko mugarekin, eta azelerazio- edo aholkularitza-zerbitzuak eskuratzeko aukera izango da, merkataritza-hedapena, hazkundea eta proiektuaren enpresa-arrakasta bizkortzeko. 100.000 eurotik beherako laguntzak ematea dakarten proiektuak ez dira kontuan hartuko.
Proiektuak aurkezteko epeak honako hauek izango dira:
- Ideietarako diru-laguntzen eskaerak: bi hilabeteko epean, BOEn argitaratu eta hurrengo egunetik aurrera (2020ko uztailaren 27a)
- Proiektuetarako diru-laguntzen eskaerak: hiru hilabeteko epean, BOEn argitaratu eta hurrengo egunetik aurrera (2020ko uztailaren 27a).
Deialdiaren xehetasunak BOEn kontsulta daitezke esteka honen bidez: https://www.boe.es/boe/dias/2020/07/27/pdfs/BOE-A-2020-8608.pdf
