Porturako sarbideaBilboko Portuko Agintaritzako Eragiketa, Merkataritza, Logistika eta Estrategiako zuzendari Andima Ormaetxek ‘Portu-trenbide korridoreen garapena Madrilgo Hub Logistiko Zentral Iberikoaren inguruan’ jardunaldian parte hartuko du otsailaren 22an. Topaketa hori Madrilgo Industria Ingeniarien Elkargo Ofizialaren egoitzan egingo da, eta sektoreko ordezkari nagusiak bilduko ditu, salgaien garraio intermodalaren egungo egoera aztertzeko eta Estatuko trenbide-korridore sarea hobetzeko egin beharreko urratsak ebaluatzeko.
Zehazki, Ormaetxek portuei eta salgaien tren-korridoreei eskainitako sailean antolatutako ‘Portu-trenbide zerbitzuak Hub Logistiko Zentral Iberikoarekin’ mahai-inguruan hartuko du parte. Mahai-inguru horretan izango da Jordi Torrent Bartzelonako Portuko Estrategiako buru, Jaime Beltrán Huelvako Portuko Negozio eta Merkataritza Garapeneko Arloko buru, Joan Borràs Tarragonako Portuko Plangintzako Arloko buru; eta Mar Chao Valentziako Portuko presidentearekin batera.
El Canal Marítimo y Logísticok eta Madrilgo Ingeniari Industrialen Elkargo Ofizialak antolatu duten jardunaldi honetan logistikako, salgai-garraioko, tren-sektoreko eta portu-eremuko adituek eta profesionalek, besteak beste, gai hauek jorratuko dituzte: Penintsulako erdialdeko plataforma logistikoen eta intermodalen egoera eta salgaien Tren-korridoreen eta Iberiar Penintsulako Korridore Zentralaren egungo garapena.
Bilbo, portu intermodala
Bilboko Portuak kokapen estrategikoa du Arku Atlantikoan, eta tren-konexioak ditu Abroñigal, Agoncillo, Arasur, Azuqueca, Bartzelona, Coslada, Jundiz, Errioxa, Noain, Nonduermas, Pancorbo, Sevilla, Silla, Valentzia, Vicálvaro, Villafría eta Zaragozarekin, eta portu lehorren sare zabala ere badu. Horri
esker, aliatu estrategikoa da salgaiak Penintsulatik eta, bereziki, Europako iparraldetik, Erresuma Batutik eta Irlandatik inportatu/esportatu nahi dituzten enpresentzat. Nabarmentzekoa da Bilbao dela nagusi Erresuma Batuarekin eta Irlandarekin egiten diren trafikoetan, eta Espainiako trafikoaren % 33a portu horretatik pasatzen dela.
Trenbidearen aldeko bere apustuari dagokionez -2023an, portuan sartu/atera ziren edukiontzien % 29k trenez egin zuten -, Portuko Agintaritzak portuko trafikoa eta maniobrak kudeatzen ditu, tren-jarduera hobetzeko, eta Adif-ekin mandatu bat sinatu du, Portuko Agintaritzak karga operazioekin, sarbideen kontrolarekin eta operadoreei telefonoz eta telematikoki ematen zaien arretarekin lotutako eragiketak kudeatzeko.
Halaber, eta salgaien itsas garraioaren deskarbonizazioa bultzatzeko, Portuko Agintaritza Itsas Korridore Berdeak garatzen ari da, errepideko trafikoak nabigazio-bide jasangarrietara eramaten laguntzeko.
