Porturako sarbidea“Gozatu zure oporrak itsasoan Bilboko Portutik” esloganarekin, Bilboko Portuko Agintaritzak eta Britanny Ferries-ek Expovacaciones turismoaren eta oporren azoka handian hartuko dute parte erakusle gisa. Azoka horrek Bilbao Exhibition Centren (BEC) bilduko ditu maiatzaren 6, 7 eta 8an estatuko eta nazioarteko turismo-proposamen nagusiak.
Erakusketa-guneak – 1. Pabiloiko Stand G-26an egongo dena – portuko gurutzaldi-eskaintza erakargarria eta Erresuma Batuarekin eta Irlandarekin lotzen duten ferry berriak hurbilduko die bisitariek.
Asteroko ferry-bidaiak Irlandara eta Erresuma Batura
Alde batetik, ‘Salamanca’ ferrya astean bitan abiatzen da Bilboko Portuko instalazioetatik Portsmouth portu britainiarrera. Handik, herrialdeko autobia nagusietara sar daiteke, eta, gure ibilgailuan, Ingalaterra, Gales eta Eskoziako turismo-leku nagusietara bizkor irits daiteke. Londres 120 kilometrora dago, Cardiff 200 km-ra, Manchester 370 km-ra eta Edinburgo 720 km-ra.
Portua, bestalde, astean bitan lotuta dago Rosslarerekin, Irlandako hego-ekialdean dagoen portua eta hegoaldeko konderrietatik Corkera bidaiatzeko, iparralderantz bidaiatuz 155 kilometrora Dublinera edo 333 km-ra Belfastera iristeko, edo herrialdea zeharkatuz mendebaldeko kostatik autoz ibiltzeko abiapuntua.
Brittany Ferries-en ferry azkar eta modernoei esker, eroso mugi gaitezke Erresuma Batura edo Irlandara, gure autoarekin, edo are karabanarekin ere, ontzian gurutzaldi labur eta atsegin baten ondoren. Duela gutxi inauguratu den ‘Salamanca’ ontzian –GNLk propultsatutako lehen ontzia, Mantxako Kanalean erregulartasunez lan egiten duena–, adibidez, 343 kabina daude,
kontu handiz diseinatuak; horietako batzuk mugikortasun murriztua duten bidaiarientzako edo bere maskotarekin bidaiatzen dutenentzako egokituak, eta artelanez betetako kanpoko terraza bat; haurrentzako hiru joko-areto, hainbat areto ezberdin, jatetxeak eta tabernak, eta bi denda handi, ontziaren erdian.
80 gurutzaldi lortzera
Apiriletik abendura bitartean, Bilboko Portuko Agintaritzak 25 konpainiatako 80 gurutzaontzi inguru jasotzea espero du, era askotako luzerekin, 111 eta 348 metro artean; izan ere, trafiko horretarako bakarrik diren bi kaiek, bakoitza itsas estazio batekin, mota guztietako gurutzaontziak har ditzakete.
Denboraldi honetan atrakatze bikoitzak eta hirukoitzak egun berean itzuliko dira eta, gainera, udaberrian eta udazkenean Bilboko Portuan bere bidaiari hasiera ekingo dioten bidaiari-ontziratzeak espero dira. Era berean, nabarmentzekoa da ontzi eta konpainia ugari daudela, lehen gurutzaldi-geldialdiekin, hala nola Carnival Pride, Celebrity Beyond, Le Dumont D’Urville, Disney Magic, MSC Virtuosa edo Norwegian Star.
