Porturako sarbideaSektoreko nazioarteko azoka nagusira joango da, apirilaren 12an hasiko den denboraldi berriari hasiera emateko prestatzen ari den bitartean. 80 geldialditik gora egotea espero da.
Bilboko Portu Agintaritzak, Bilbao Turismo eta Bizkaiko Foru Aldundiaren laguntzarekin, itsas bidaien turismoa sustatuko du Seatrade Cruise Global-en, martxoaren 29ra arte Floridako Fort Lauderdale hirian ospatuko den munduko itsas bidaien azokarik handienean.
Miamitik 40 km-ra dago azoka, eta sektoreko profesional nagusiak biltzen ditu 32.500 metro koadroko erakusketa-esparru batean. Euskal ordezkariek Bizkaia/Euskadiren erakargarritasunen berri emango dute, baita turismo mota hori hartzeko Bilboko Portuak Getxon dituen azpiegitura modernoen berri ere. Era berean, sektoreko enpresekin harremanetan egongo dira horretarako prestatutako standean.
Aurkezten diren berrikuntzen artean, Portu Agintaritzak jada abian jarritako BilbOPS proiektua nabarmentzen da, OPS teknologia itsas bidaiak porturatzen diren kaietan hedatzeko, ontziak elektrizitatez hornituz. Proiektu horri esker, Bilboko Portuak aurrera egiten jarraitzen du itsas bidaiei zerbitzu hobeak emateko. 2025ean egongo da martxan.
Denboraldi errekor berria bi “Turn Around”-ekin
2023an, egun berean eta iazko ontzi berarekin hasiko da itsas bidaien denboraldia. Apirilaren 12an izango da, Princess (Carnival) ontzi-konpainiaren Sky Princess ontziarekin. Aurten lau aldiz bisitatuko gaitu, eta Portuko Agintaritza Setrade Cruisen bilduko da harreman bikainak estutzeko. Sky Princess Transcomaren zaintzapean dago eta 330 metroko luzera du.
Aurten 80 itsas-ontzi inguru porturatzea espero da. Konpainia berri batek, Ambassadorek, eta hamalau ontzi berrik gure portuaren aldeko apustua egingo dute lehen aldiz, eta baten batek lau aldiz egingo du geldialdia, NHG-ren Norwegian Getaway-k bezala.
Bi Turn Around-ak nabarmentzen dira bereziki, hau da, Getxon ibilbidea hasi eta amaituko duten bi gurutzontziak, dagokion bidaiarien ontziratze eta lehorreratzearekin. Lehenengo ibilaldia Oceania ontzi-enpresaren “Sirena” itsasontzi ikusgarrian egingo da, eta maiatzaren 2an hasi eta 27an amaituko da, turistak Israelera hurbilduko dituen bidaia baten ondoren. Bigarren zirkuitua, NHG-ko Norwegian Gem ontzian izango da. Irailaren 7an abiatuko da Getxoko terminaletik eta 19an itzuliko da, Europa iparraldetik ibilbide bat egin ondoren.
Bestalde, berriz ere bidaiariak egongo dira ontziratzen, beste batzuek gaua egingo dute portuan eta, berriro ere, The World (Residences at Sea) edo Anthem of the Seas (RCCL) bezalako itsas bidaia enblematikoek konfiantza izango dute Bilboko Portuan, lau geldialdi egingo baituzte; eta Cunard, Oceania edo Disney bezalako ontzi-enpresa ospetsuak, ontzi berri batekin itzuliko dira (Disney Dream).
Nabarmentzekoa da, halaber, MSCa, sei aldiz porturatuko baita, eta horietako batean MSC Fantasía gurutze-ontzi berria porturatuko da.
Era berean, aurten ere, Portu Agintaritzak shuttle zerbitzua jarriko du eskatzen duten ontzi-enpresen eskura, gidatuak ez diren bisitak egin nahi dituzten bidaiariak Bilbora hurbiltzeko.
