Porturako sarbideaJarduera ugari antolatu ditugu Kai Jairako, guztiak ere doakoak eta batez ere haurrentzat eta haien familientzat pentsatuak Anezka-autobus bat ere ibiliko da joan-etorrian (doan hori ere) Neguriko metro-geltokiaren zein Bizkaia zubiaren eta Olatua gurutzaontzi-terminalaren artean. Doako parke tematiko bihurtuko dugu Bilboko Portuaren Getxoko gurutzaontzien terminala datorren igandean, hilak 28. Aukera ederra bisitariek portuko eguneroko jardueren berri izan dezaten, patxadaz eta festa-giroan. Laugarren urtea da Bilboko Portua eta Itsasadarra Fundazioak Kai Jaia edo Portuaren Eguna antolatzen duena, Bilboko Portuko langileen eta enpresen festa handia, alegia, non herritar guztiei zabaltzen baitizkiete “etxeko” ateak. Goizeko 10:30etik arratsaldeko 14:30era arte iraungo dute jarduerek. Txosna bat ere jarriko da festa-eremuan, taloak egin eta banatzeko. Doako anezka-autobus bat ere izango dute bisitariek: ordu-erdiz behin, Neguriko metro-geltokitik eta zubi esekitik Getxoko gurutzaontzien Olatu terminalera joango da autobusa. Aparkalekua ere doan izango da. Eguraldi txarra dela-eta jarduera guztiak ezin badira aire zabalean egin, gurutzaontzien itsas estazioan egingo dira. Leku-kopuru mugatua du estazioak. Bilboko Portua eta Itsasadarra Fundazioa Bilboko Portua eta Itsasadarra Fundazioaren helburua hau da: arlo soziokulturalerako eta aisialdirako interes orokorreko planak eta ekintzak sustatzea eta garatzea, haien bidez hobeto ezagutzeko Bilboko Portuak eta Bilboko itsasadarrak gaur egun eta historian zehar izan duten garrantzia, itsasertzeko udalerrien garapen ekonomiko eta sozialari eta haien integrazioari dagokienez. Bilboko Portuko Agintaritzaren eta ibaiertzeko bederatzi udalerrien ordezkariek osatzen dute (Barakaldo, Bilbo, Erandio, Getxo, Leioa, Portugalete, Santurtzi, Sestao eta Zierbena), eta portu-jarduerari lotutako hogei bat enpresa eta erakunderen laguntza du.
25
Urriak
2018
