Porturako sarbideaKarbonoan neutroa den portu bat lortzeko energia-trantsizioko plana esleitu du
Bilboko Portuko Agintaritzak hainbat ekimen bultzatzen jarraitzen du, Bilboko Portua leku eraginkorrago eta jasangarriagoa izan dadin lortzeko. Horretarako, energia-eredu bat sustatzen du, aurrezkian (energia-kontsumoa murriztea), energia-eraginkortasunean (energia-kontsumo txikiagoarekin berdin ekoiztea) eta energia-sorkuntza banatuan oinarrituta, iturri berriztagarrietatik abiatuta, kontsumoaren hurbileko puntuetan kokatutako banakako edo taldekako instalazioetan, ingurumen-eraginaren ikuspegitik integratuta eta estrategia horri denboran eustea ahalbidetuko duten negozio-ereduei jarraituz.
Jarduera-ildo horren barruan, Bilboko Portuko Agintaritzak Saitec enpresari esleitu dizkio, 59.728 euroren zenbatekoan, energia-trantsizioko plan bat egiteko laguntza teknikoaren lanak, 2050erako karbonoz neutroa izango den agertokia lortzeko, Europako, estatuko eta herrialdeko helburuen ildotik.
Aurreikusitako lanak 2022ko lehen hilabeteetan bukatuko dira, eta egungo eta etorkizuneko energia-beharren azterketa emango diote Bilboko Portuari. Horretarako, 2050erako Deskarbonizazio Plan Estrategikoa ezarriko da, irizpide objektibagarrietan oinarritutako lehentasunezko lan-ildoak markatuko dituena, eta lorpen hori ebaluatzeko tarteko mugarriak izango dituena.
Gainera, 2030erako Ibilbide Orria ezarriko da egin beharreko esku-hartzeekin, ebaluazio eta jarraipen sistema batekin batera.
Ebaluazio horretatik abiatuta, energia eraginkortasunerako neurriak eta energia berriztagarrien bidez energia sortzeko ahalmena aztertuko dira, 2030 eta 2050 energia-trantsizioa lortzeko. Era berean, proiektu pilotuak abian jartzearen bideragarritasuna aztertuko duen proposamena ere jasoko du proiektuak, 2030 Ibilbide Orriarekin bat datorren urtebeteko epean.
Hartu beharreko neurriak hartzerakoan erabakiak hartzeko aukera ematen duen tresna batekin osatuko da lana, egungo energia-eredua modu autonomoan eta jarraian aldatzeko.
