Porturako sarbideaHasi da Bilboko Portuko erdiko kai-muturraren obren lehen faseko bigarren etapa, hots, lanak amaitzeko erabiliko den hondarraren erauzketa. Obrak bukatzean, enpresa-proiektu berriak kokatuko dira leku horretan. Hondarrezko betetze-lan hori lehendik Portuan egin direnen antzekoa da, eta, haiek bezala, ez die zuzenean eragiten ez inguruko ekosistemari, ez hondartzei. Baditu, bestalde, zenbait organismo eta erakunde independenteren aldeko txostenak, ingurumen-inpaktuaren gaineko azterketa, ingurumen-inpaktuari buruzko adierazpena eta ingurumen-alorreko jarraipen-plana.
Bilboko Portuaren okupazio-maila % 87 ingurukoa izaki, azalera handiagoa behar du han proiektu logistiko, komertzial eta industrial berriak kokatzeko. Beraz, obra estrategikoa da Bilboko Portuarentzat zabalguneko erdiko kai-muturraren proiektua, horri esker Kantauriko erreferentziako kaia izaten jarraituko baitu, eta, horrenbestez, Euskadirentzat enplegua eta aberastasuna sortzen.
2016ko irailean hasi ziren obrak, eta 39 hilabeteko epea dago haiek egiteko. Lehen etapak 24 hilabete iraun ditu, aurreikusi baino hiru gutxiago; bigarrena, berriz, 2019ko otsailean amaituko da.
