Porturako sarbideaBilboko Portuan kokatuta dauden hogei bat enpresa izan dira gaur Portuaren itsasoko Barne-planaren aurkezpenean. Portuko Agintaritzak prestatu du plana, eta Merkataritza Nabigazioaren Zuzendaritza Nagusiak onartu du berriki, Itsas Kapitaintzaren aldeko txostenaren ondoren.
Carlos Alzaga Bilboko Portuko Agintaritzako zuzendariak eta Jorge Arce segurtasuneko buruak hitz egin dute aurkezpenean. Haiekin batera, Manuel González Aztiren ordezkariak parte hartu du, eta arrisku-analisiari buruz hitz egin du.
Itsasoko barne-plan hau Ustekabeko Itsas Kutsaduragatiko Kontingentzien Barne Planaren barnean dago. Kontingentziaren Plana 2015eko otsailekoa da, eta 253/2004 Errege Dekretuan ezarritako xedapenen arabera egin zen, dekretu horretan ezartzen baitziren portuetako karga- eta deskarga-operazioetan eta hidrokarburoen manipulazioan kutsadura prebenitzeko eta haren aurka egiteko neurriak.
Itsas kutsadurari Erantzuteko Sistema Nazionala onartzen duen 1695/2012 Errege Dekretuak ekarri du Portuko Agintaritzak plan berria egitea. Planean, berrikuntza nagusi gisa, hidrokarburoak ez diren sustantzia kaltegarri eta potentzialki arriskugarriek istripu batean eragin lezaketen itsas kutsadurako egoerak sartu dira.
Planak mekanismoak ezartzen ditu itsas kutsadura gertatuz gero
erantzuteko. Aplikazio-eremua Bilboko Portuko I. eta II. eremuak dira.
Dokumentuan, arrisku-analisia eta gune ahulen analisia egin da portutik igarotzen diren eta itsas ingurunerako kaltegarri eta potentzialki arriskutsu diren 67 substantziari buruz. Horretarako, portu-eremuan dauden 1695/2012 errege-dekretuaren eraginpeko instalazioen itsasoko barne-planak erabili dira. Analisi horretan, 35 isuri-puntu posible hartu dira kontuan. Aztertu gabeko isuri-puntuetarako, Agintaritzak, Larrialdien Kontrolerako Zentroan, Bilboko porturako garatutako sistema operazional bat du, itsaslasterren eta isurien bilakaerari buruzko iragarpenak egiteko.
