Porturako sarbideaRicardo Barkala Bilboko Portuko Agintaritzako presidenteak Eusko Jaurlaritzaren esku utzi du bere kargua, Imanol Pradales lehendakariari gutun bidez eta hitzez jakinarazi dionez. Portu Agintaritzako presidente 2018ko uztailean izendatuta, Barkalak adierazi du, hausnarketa prozesu baten ostean, “ondorioztatu dut hau dela Bilboko Portuko presidentetzan aldaketari ekiteko une egokia”.
“Motibatuta eta Bilboko Portuaren proiektu eta erronkekin konprometituta jarraitzen dudan arren –azaldu du–, uste dut garrantzitsua dela une egokian joaten jakitea”. Erabaki hori hartzeko arrazoien artean Barkalak aipatu du “Pradales lehendakaria buru duen Eusko Jaurlaritza hartzen ari den gurutzaldi-abiadura, 8 edo 12 urterako herri proiektu bat diseinatzen ari baita, eta ona da bidai horretan bidelagun izango duen tripulazio on bat izatea”.
Barkalak adierazi duenez, “zapore gazi-gozoarekin noa, ondo eta gogoz nagoelako, baina asko pentsatu dut, eta uste dut hori dela erabakirik onena portuarentzat, herrialdearentzat eta nire buruarentzat”. Halaber, prest agertu da trantsizioan kargua beteko duen pertsona berriari laguntzeko, eta beti “lehendakariaren esanetara” jarraitzeko, “ekarpena egin dezakeen edozein gaitarako”.
