Bilboko Portuko eta AP-8ko aurreabisu-sistema erabiltzeagatik pizgarriak jaso dituzten ibilgailu astunen kopuruak gora egin du

Aurten ere, Bilboko Portuko Agintaritzak ordaindu du Interbiak Bizkaiko Foru Aldundiko Ekonomia eta Lurralde Garapen Sailari atxikitako foru-sozietate publikoarekin batera diseinatutako urteko pizgarria, Bilboko Portuko salgaien garraiorako sarbideetan eta irteeretan aurreabisu-sistemaren erabilera sustatzeko, Hegoaldeko Saihesbide Metropolitarraren bidez (AP-8).

2018ko ekainean abian jarri zenetik, atxiki diren garraiolari kopuruak gora egin du, 2020an 534 izan direla.

Ekimen horren onarpen-maila, beraz, positiboa da; izan ere, abian jarri zenetik, programaren baldintzak betetzen dituzten 40.609 sarrera eta irteera erregistratu dira Portura. Portuko terminaletarako sarbideak automatizatu eta sarrera-aurreabisua egin beharra zabaldu ahala handituko da pizgarridun ibilbideen kopurua. Neurri honi esker, Garraiolarien, Portuko Agintaritzaren eta Terminalisten arteko informazio-fluxuak lotu ahal izango lirateke, eta itxaronaldiak murriztu.

Bilboko PAk eta Interbiak-ek garatutako sistema informatikoak behar bezala egituratuta daude datozen bi urteetan onuradunak gehitu ahal izateko.