Porturako sarbideaBilboko Portuko Agintaritzak eta UniportBilbaok Municheko Transport Logistic nazioarteko azokan parte hartuko dute, Vial – Vitoria Álava Solución Logística-rekin batera, maiatzaren 9tik 12ra. Topaketa honetako B4.406 standean enpresa kargatzaileei ezagutzera emango diete Bilboko Portuko enpresek eta instalazioek eskaintzen dituzten aukera logistiko multimodal eta operatibo ugariak, bai Europa barruko trafikoentzat, bai kontinentearteko trafikoentzat, bai era guztietako merkantzientzat, kontainerizatua edo ro-ro izan edo proiektu-karga handiak izan.
Transport Logistic Europako ekitaldi logistiko garrantzitsuena da, eta ontzi-enpresak, garraio-kudeatzaileak, operadore logistikoak eta Europako iparraldeko eta nazioarteko enpresak eta garraio-taldeak biltzen ditu. 2.000 erakusketari baino gehiago ditu, eta 125 herrialdetako 64.000 bisitari izatea espero da.
Bilboko Portuko ordezkarioi “Transport Logistic Munich-ek aukera ematen digu bezeroari eta merkataritzari egokitutako eskaintza logistiko multimodala ezagutarazteko, Iberiar penintsulatik eta Frantziako hego-mendebaldetik, produktu- eta helburu-mota guztietarako”. Garraio jasangarriagoa lortzeko azken inbertsioak sustatuko dituzte, baita Bilboko portuak Europako iparraldearekin eskaintzen dituen distantzia laburreko
itsas zerbitzuak ere, batez ere, Bavariako eta Europako hegoaldeko enpresen artean; eta portuko zirkulazioaren % 63 hartzen duten ozeanoz haraindiko zerbitzuak ere bai, non Bilbok posizio pribilegiatua baitu Atlantikoko merkatuetarako. Bai distantzia laburrean, bai luzean, itsas zerbitzuak indartu dira aurten, operadoreek konektibitatea hobetzeko egin duten apustu garbiaren ondorioz.
