Porturako sarbideaErakundeetako zein Bilboko portuko komunitateko ordezkari ugarik hartu dute parte gaur goizean ekipamendu berrien aurkezpenean, 12,6 milioi euroan balioztatuak.
Europan erositako lehen RTG garabi hibridoak dira, eta erregai fosilen kontsumoa % 40 murrizten dute.
Bilboko portuari eta haren hinterlandari lotutako komunitate logistikoko hainbat erakunde eta enpresatako ordezkariek parte hartu dute gaur goizean patioko bere makineriaren % 30 berritzeko asmo handiko plan baten barruan CSP Iberian Bilbao Terminalek erositako sei RTG hibrido ekoeraginkor berrien inaugurazio-ekitaldian.
Erregai fosilen kontsumoa % 40 murrizteaz gain, ekipamendu berriek berretsi egiten dute teknologia berrien aldeko apustua, eta aurrerapen handia dakarte energia-eraginkortasunari eta ingurumena babesteari dagokienez. Era berean, langileen segurtasuna eta produktibitatea nabarmen handituko dira, eta, ondorioz, ontzietako, kamioietako eta trenetako eragiketak optimizatuko dira, CSP Iberian Bilbao Terminalen bokazio intermodalaren ezaugarri argia.
Erosketa hori konpainiaren inbertsio-planaren parte da. Azken zortzi urteetan, 34,5 milioi euro baino gehiago erabili ditu instalazioak modernizatzeko eta makineria berritzeko, enpresaren akziodunek Bilboko portuarekin duten konpromiso sendoa erakutsiz, Arku Atlantikoko zentro estrategiko nagusi gisa.
Arantxa Tapia Ekonomiaren Garapen, Jasangarritasun eta Ingurumen sailburua buru izan duen ekitaldian parte hartu dute Ricardo Barkala Bilboko Portuko Agintaritzako presidenteak; Ken Chan CSP Spain-eko CEOak; eta Elvira Gallego Terminal Manager-ek.
Ezaugarri teknikoak
Sei RTG berriak pneumatikoen gaineko arku-garabiak dira, eta 135 tonako egiturak dituzte. Hauek dira prestazio nagusiak: 41
tonako karga-ahalmena, 51 tonako aparteko kargan, 18,1 m-ko altuera (5+1 edukiontzi), sei edukiontzirentzako galiboa hanken artean eta kamioia pasatzea.
Ingurumena errespetatzen duten ekipoak dira. Litio-ioien bateria-teknologia aurreratua dute, eta energia administratzeko sistema bat, zeinak monitorizatu egiten baititu karga-maila eta baterien egoera orokorra, beharrezkoa denean bateriak kargatzen dituen diesel motor ekoeraginkor batekin.
CSP Iberian Bilbao Terminal
CSP Iberian Bilbao Terminal S.L. da Europako hegoaldeko eskualde atlantikoan edukiontziak garraiatzeko aukerarik onena, Espainia Europako iparraldeko portu nagusiekin lotuz. Bere tamaina, sendotasun estrategikoa, gaitasun operatiboa eta trenbide-sail eredugarria direla eta, Espainiako iparraldeko terminal liderra da. Halaber, bere kokapena esker egokiena da Iberiar penintsulan eta Frantziako hego-mendebaldean zehar egiten diren trafikoentzat.
CSP Spain, berriz, Espainian 1973az geroztik, CSPL Taldekoa da, munduko portu-operadorerik handienekoa. Mundu osoan 46 kontainer-terminal baino gehiago dituen enpresa-taldea da, eta 90 milioi TEU baino gehiagoko mugimendu globala du.
