Porturako sarbideaAurten ere, Bilboko Portuko Agintaritza Expovacaciones azokara joango da, Barakaldoko Bilbao Exhibition Centren (BEC) maiatzaren 5etik 7ra bitartean egingo den turismo- eta opor-azokara.
Bilboko Portuko ordezkariek itsas bidaietarako eta turismorako nobedade nagusiak aurkeztuko dituzte 1. pabiloiko G-17 standean egongo den erakusketa-gunean. Horien artean nabarmentzekoak dira Bilbo eta Erresuma Batua eta Irlanda arteko ibilbideetan sartu diren ferry berriak zein Getxotik abiatuko diren Europako iparralderako eta Mediterraneorako gurutzaontziak.
Erresuma Batua eta Irlanda, ferry batera
Portuaren standean, larunbatean, hilak 6, 13:00etan, Brittany Ferries-en Espainiako zuzendariak, Roberto Castillak, hitzaldi bat emango du bidaiatzeko modu desberdin, jasangarri eta moderno honi buruz: Bilbo eta Euskadi Erresuma Batuarekin eta Irlandarekin lotzen dituzten ferry-gurutzaontzi eroso eta eraginkorrak. Bere hitzaldian, Brittany Ferriesen istorioa eta Erresuma Batua eta Irlanda Bilborekin lotzen dituzten loturak aztertuko ditu, baita konpainiak jasangarritasunarekin eta ingurumenarekiko errespetuarekin duen konpromisoa ere, gero eta ontzi eraginkorragoak, ekologikoagoak eta ingurunea gehiago errespetatzen dutenak sartzean berresten baita. Brittany Ferries-ek txartel bat zozkatuko du hitzaldira joaten diren guztien artean, erosotasun guztiak dituen bere ferryetako batean benetako gurutzaldiaz gozatzeko. Txartel horren bidez, gure autoa, karabana, motorra edo bizikletarekin bidaiatu ahal izango dugu, baita gure maskotarekin ere.
‘Galiziak’ astean bitan konektatzen du Bilbo Portsmouthekin; Ingalaterra, Gales eta Eskozia eta Ingalaterrako turismo-lekuetara iristeko abiapuntu ezin hobea. Londres 120 kilometrora baino ez dago, Cardiff 200 km-ra, Manchester 370 km-ra eta Edinburgo 720 km-ra.
Bestalde, ‘Salamanca’-k gauza bera egiten du Bilbo eta Rosslare artean, Esmeralda uhartea zeharkatzeko eta eskain dezakeen guztiaz errepidez ordu gutxian gozatzeko atea: Cork konderri magikoa hegoaldean, Dublin hiriburu alaia, beti animatua dagoen Belfast, edo Irlandako kostalde ikusgarrian zehar ibilbide zirkularra.
Bilbo, gurutzaontzientzako portua
Bilboko Portuak Getxon dituen gurutzaontzientzako instalazioek aurten bere errekorra haustea eta 80 gurutzaontzi hartzea espero dute, joan den apirilaren 12an ‘Sky Princess’ ontziarekin hasi zen denboraldian. Denboraldi honetan geldialdia egingo dute Residences at Sea-ren ‘The World’ edo RCCL-ren ‘Anthem of the Seas’ gurutzaontzi ospetsuek; Cunard, Oceania, Disney eta MSC ontzi-enpresa entzutetsuek; eta, lehen aldiz, Ambassador konpainiak eta hamalau ontzi berrik.
Denboraldi honetako nobedadeetako bat dira Europako iparraldeko eta Mediterraneoko hiri enblematikoenak bisitatzeko ‘Norwegian Gem’ gurutzaontziak Bilbotik abiatuta egingo dituen bi zeharkaldiak, eta oraindik bat egiteko aukera dago. Lehena Getxotik aterako da irailaren 7an, eta Bordele, Amsterdam, Londres, Brusela, Paris, Lisboa, Vigo eta Coruña bisitatu ditu irailaren 19an Bilbon bere ibilbidea amaitu aurretik.
‘Norwegian Gem’ berriz ere abiatuko da hilaren 19an bertan, oraingoan Erromako Civitavecchiako gurutzaontzien terminalera. Hara urriaren 1ean iritsiko da, Lisboa, Portimao, Cádiz, Gibraltar, Motril, Eivissa, Palma, Saint Tropez eta Spezian geldialdiak egin ondoren.
