Porturako sarbideaBilboko Portua eta Itsasadarra Fundazioak adin guztietarako doako jokoak eta jarduerak antolatuko ditu, eta Zubi Esekitik eta Neguriko metro-geltokitik abiatzeko doako anezka zerbitzua jarriko du.
2020ko ekitaldia bertan behera uztea behartu zuen COVID-19ak eragindako pandemiaren ondoren, igande honetan, urriaren 24an, Kai Jai edo Bilboko Portuaren Eguna izango da berriro Getxoko gurutzaldi-terminalean.
Portuko langileen jai handi honen seigarren edizioa da, haur-publikoari eta familiei goiz dibertigarria igarotzeko luzatzen zaien gonbita, Portua herritarrengana hurbildu nahi duena, itsasadarra igarotzen den eskualdeko udalerri guztien garapen ekonomiko, sozial eta kulturalaren ardatz komuna. Antolatzen diren askotariko jardueren bidez, portua inguruan bizi diren guztiei helarazi nahi zaie. Hartara, 10:30etik 14:30era bitartean, jarduera ugari egin ahal izango dituzte parte-hartzaileek, eta Kantauriko portu nagusiaren eguneroko bizitza eta herritarren bizitza sozialean duen eragina joko bidez ezagutu. Datorren urtearen hasieran, COVID-19ak sortutako geldialdiaren ondoren, Bilboko Portuko Agintaritzak Ezagutu Portua programa berraktibatuko du, eta Santurtziko eta Zierbenako bere instalazioen “ateak” berriro irekiko ditu. Azken urteotan, 24.000 ikasle eta 7.000 heldu inguru hurbildu dira Portuko instalazioetara eta bertatik bertara ezagutu dute.
Bilboko Portua eta Itsasadarra Fundazioak Kai Jai antolatzen du, eta sarrera eta jarduera guztiak doakoak dira. Sarbidea errazteko, aparkaleku librea izateaz gain, doako anezka autobus-zerbitzua jarri da ordu erditik behin, Neguriko metro-geltokitik eta Zubi Esekitik.
Aretoaren sarreran pasaportea emango da, parte hartzen den jarduera bakoitzean zigilatuko dena. Amaitutakoan, opari bat emango da. Aurreikusitako jarduera ugarien artean, hauek dira aipagarrienak: haurrentzako antzerkia, gincana pirata, polizia-txakurren erakustaldia, ipuin-kontalaria, ontziko kapitaina, itsasadarra dragatzea, puzgarriak, giza jaurtigailu-garabia, uretako edo windsurfeko motorren simulagailuak, sokak erabiltzeko, zamaketariak eta amarratzaileak tailerrak, edo sari baterako aukera emango duen photocall-a. Halaber, barrutiak taloak dastatzeko txosna bat izanen du, eta portuko zerbitzuetako ontziak egun osoan ikusi ahal izango dira.
Eguraldia lagun izaten ez bada, jarduera guztiak barrualdean eginen dira, edukiera mugatuarekin.
Bilboko Portua eta Bilboko Portua eta Itsasadarra Fundazioa
Bilboko Portua ardatz atlantikoan erreferentzia den merkataritza-, logistika- eta industria-gunea da, gure ekonomiak nazioarteko merkataritzan duen lehiakortasuna hobetzen laguntzen duena. Bere jarduerak EAEko BPGaren % 1,29 eta Bizkaiko % 2,55 ematen du, eta 11.500 lanpostu inguru mantentzen laguntzen du.
Bilboko Portua eta Itsasadarra Fundazioa, berriz, itsasertzeko bederatzi udalerrik osatzen dute: Barakaldo, Bilbo, Erandio, Getxo, Leioa, Portugalete, Santurtzi, Sestao eta Zierbena, baita Bilboko Portuko Agintaritzak ere, eta portuko jarduerarekin zerikusia duten hogei bat enpresa eta erakunderen laguntza du.
Helburu nagusia interes orokorreko planak eta jarduerak sustatzea eta garatzea du, gizarte-, kultura- eta jolas-proiekzio zabalarekin, Bilboko Portuak eta Bilboko Itsasadarrak gaur egun eta historian zehar itsasertzeko udalerrien garapen ekonomiko eta sozialean eta integrazioan duten garrantzia hobeto ezagutzeko, bai eta portu-sektorean berrikuntzari lotutako proiektuak eta ekimenak sustatu eta garatzeko ere.
