Porturako sarbideaTransmodal 2024k, Intermodalitateari eta Logistikari buruzko Euskadiko ekitaldirik handienak, beste urtebetez bilduko ditu industria-, esportazio-, garraio- eta banaketa-enpresak eta operadore logistikoak Arabako Ganberako ekitaldi-aretoan datorren ostegunean, azaroaren 7an, intermodalitatearen garapenari buruz, Ardatz Atlantikoak merkataritzarako duen garrantziari buruz eta Jundizko Terminal Intermodalak eskaintzen duen eraginkortasunari buruz hitz egiteko.
Arabako Merkataritza, Industria eta Zerbitzuen Ganberak eta Bilboko Portuko Agintaritzak antolatuta, eta Howden, Eusko Jaurlaritza eta Arabako Foru Aldundiarekin lankidetzan, Logistika Intermodalaren XVI. Foroak sektorearen lehiakortasuna hobetzea du helburu, jakintza eta esperientziak trukatuz.
Jardunaldiaren hasieran, Gregorio Rojo Arabako Merkataritza, Industria eta Zerbitzuen Ganberako presidenteak, Ricardo Barkala Bilboko Portuko Agintaritzako presidenteak; Ramiro González Arabako ahaldun nagusiak eta Imanol Pradales Eusko Jaurlaritzako lehendakariak hartuko dute parte. Ondoren, ‘Atlantikoko korridorea: garrantzia eta funtsezko azpiegiturak’ panela egingo da, José Antonio Sebastián Ruiz Atlantikoko Korridoreko ordezkariaren eskutik, eta Andima Ormaetxe Bilboko Portuko Agintaritzako Eragiketako, Arlo Komertzialeko, Logistikako eta Estrategiako zuzendariak eta Xabier Gutiérrez CMA CGMko Bilbaoko SSL Intra North Europe Branch Sales Managerrak Bilboko Portuaren estrategia intermodala eta Atlantikoko korridorean garraio jasangarriagoa garatzeko egindako ekarpena aurkeztuko dute.
Topaketak mahai-inguru batekin jarraituko du, Ardatz Atlantikoaren inguruan lan egiten duten hainbat sektoretako profesionalekin: Olivier Maljean ADISSEOko Plant Supply Chain & Customer Centricity Managerra; Antonio Mora Altaireko Garapen Multimodaleko Rail Manager zuzendaria; Cáceresko Jerte ibarreko Kooperatiba Elkarteko presidentea, José Antonio Tierno; eta Ander Carrillo Michelin España Portugal Gasteizko Fabrikako Erdibukatuen arduraduna.
Networkingerako etenaldi baten ondoren, Jundizko Terminal Intermodalaren inguruko panel batekin jarraituko du jardunaldiak, Vicente Moreno ADIFeko Zerbitzu Logistikoetako zuzendariaren eskutik, eta, amaitzeko, mahai-inguru bat egingo da Terminal Intermodalaren eraginkortasunari buruz Enrique Tros de Ilarduya Railsider Atlánticoko zuzendari nagusiaren; Steve Molenaar WEC Lines Españako Group Intermodal Manageraren; Ana Sardon Mercedes-Benz Españako Manager Distribution Logistics and Customs & Outbound Logistics-aren; Manfred Nindl Mercedes-Benz Españako Inbound Logistics & Container Management-aren; Andima Ormaetxe Bilboko Portuko Agintaritzako Eragiketako, Arlo Komertzialeko, Logistikako eta Estrategiako zuzendariaren eta Luis Vicente Moreno beraren parte-hartzearekin.
Transmodalen edizio berri honek funtsezko gai bat du ardatz, bai lurraldearentzat, bai Bilboko portuarentzat: intermodalitatea. Esparru horretako edukiontzien % 29ko kuotarekin, Bilboko Portuak garapen-ahalmena erakusten du, eta estrategikoki kokatzen da Europako iparraldeko portu nagusi nagusietatik hurbil. Horrek, bada, hazten jarraitzeko eta eskualdeko eta nazioarteko konektibitatea indartzeko duen ahalmena azpimarratzen du.
Programa eta izen-ematea: cámaradealava.com
