Porturako sarbideaDIKEEN MANTENTZE-LAN PREDIKTIBORAKO SISTEMA ADIMENDUNA / Predictive Intelligent system on optimize BREAKwater maintenance – PI-BREAK –
PI-BREAK (Predictive Intelligent system to optimize BREAKwater maintenance) proiektua ildo estrategikoetako I+G+B proiektuen deialdian sartzen da, gizartearen erronkei zuzendutako Estatuko programaren lankidetza publiko-pribatuan, 2017-2020 Berrikuntzaren Ikerketa Zientifiko eta Teknikorako Estatuko Planaren esparruan. Europar Batasuneko funtsekin finantzatuta dago, NextGenerationEU deialdiaren bidez.
Partzuergoaren burua Laboratorio de Ingeniería Marítima (LIM) da – Bartzelonako Bide, Kanal eta Portuetako Ingeniaritzako Goi Eskola Teknikoari (UPC) lotutako ikerketa-zentroa. Kantabriako Unibertsitateak (IHCantabria) parte hartzen du, eta Bilboko Portuko Agintaritzak eta AZTIk ere osatzen dute. Halaber, EPhysLab-ek, Universidade de Vigo-k eta Estatuko Portuak erakundeek hartzen dute parte proiektuan, azken hori proiektuaren erakunde laguntzaile gisa sortutako aurrerapenak Espainiako portu-sisteman sartzeko.
PI-BREAK proiektuak babes-dikeei eta kostaldeko beste egitura batzuei aplika dakiekeen mantentze-lan prediktibo bat garatzea proposatzen du, arreta berezia jarriz azken muga-egoeretan eta zerbitzu-egoeretan (diseinu erresistentea eta funtzionala). Adimen artifizialean oinarrituta, PI-BREAK programak hainbat klima-egoerari buruzko iturrietatik lortutako datuak eta emaitzak integratuko ditu, epe laburretik luzerako eskalak lotuz (hau da, ekaitz-gertaeretatik klima-aldaketaren proiekzioetara), eta, horrez gain, mantentze-lanetako esku-hartze sekuentziatuen katalogo bat egingo du, azpiegitura kritikoetarako egokitze-soluzioak garatzeko (mantentze-lanen bidezko egokitzapena), hala nola dikeetarako. Hala, zenbakizko simulazioen, landa-neurketen eta datu esperimentalen emaitzak konbinatu nahi ditu bai 2Dn, bai 3Dn, epe labur eta luzea batera kontuan hartuta, kontserbazio- eta mantentze-jardueren zerrenda bat garatzeko, kostuekin eta inbertsio-planteamenduekin batera. Horrela, portu- eta kosta-azpiegituren jasangarritasuna erraztuko duten egokitzapen-protokoloak garatuko ditu, eta itzulerarik gabeko puntuak identifikatuko ditu. BPAk uste du alderdi hori oso interesgarria dela portuko azpiegiturak ahalik eta modu eraginkorrenean zaintzeko eta mantentzeko.
PI-BREAK Bilboko Portuak Luzueron duen olatu-hormako dikean ardaztuko da. Dike horrek funtsezko zerbitzuak eskaintzen ditu, jarduera sozioekonomikoei babesa ematen baitie eta Petronorren oliobidea babesten baitu, findegi horren hodi nagusia. Beraz, azpiegitura kritikoa da. Mantentze-lan prediktiboak arriskuak murriztuko ditu baldintza operatiboetan eta bizi iraupen-baldintzetan eta, ondorioz, lagundu egingo du azpiegituren azken arriskua murrizten, portuko ustiapenaren eraginkortasuna murrizten, kostu metatuak murrizten, ingurumen-aztarna murrizten eta portu-sistemen mende dauden kostaldeko herrien ongizatea lortzen.
